IECH DONEER kees bedraag AON VOLT MESTREECH
Mèt dien bijdraog kinne veer campagne veure, ziechbaar zien in de stad en nui lui bereike.
DONEER AON VOLT MESTREECH
Tied veur e
mestreech made in EUrope.
Vief planne veur ‘n Europees Mestreech
Mestreech ligk op e kruuspunt in Europa. Tösse de polletiek vaan Breussel, de kènnis vaan Brainport Eindhoven en de industrie vaan ‘t Ruhrgebeed. Europa veraandert hendeg rap: geopolletiek versjuif, ekonomieë weure herbouwd, en innovatie versnelt. Percies in ‘t midde daovaan ligk ‘n touwkoms veur Mestreech. Volt wèl tot us stad en uzze Euregio die positie aongriepe en ‘t behaajd vaan Europees talènt ‘n prioriteit make: es plek boe lui mekaar treffe en es ‘n thoes veur ederein die hei aon de touwkoms wèl bouwe vaan e Mestreech made in Europe, en vaan ‘n Europa wat weurt gemaak in Mestreech.
Loer oonderstaonde video’s wie v’r dat goon doen:
Lees us
verkezingsprogram
Zoe veult ‘n
Europees Mestreech
Us lui
Us kandidaote zien lui wie diech en miech - studènte, lierare, statushawwers, pensionado’s, direktäöre en verzörgers - mer bovenal Europese democraote. Versjèllend in achtergroond, einsgezind in hunne inzat veur ‘n ierleker, greuner en Europeser Mestreech.
#1 Jules ortjens
Docent Europese integratie en polletieke historie, Universiteit Mestreech
#2 Romy Frijters
Projekleier Team- en leiersjapsoontwikkeling, MUMC+
#3 Ryan Wilmes
Assistent manager, opticien
#4 Lore Eckelmans
Medicijnestudènt, Universiteit Mestreech
#5 Jannis Besuijen
Docent School of Business and Economics, Universiteit Mestreechs
#6 Gerianne Jacobi
Student facility management, Zuyd Hoegsjaol
#7 Bjorn Kusters
Studènt Europese Studies, Universiteit Mestreech
#8 Ankie Hoefnagels
Perfesser (Lector), Zuyd Hoegsjaol
#9 Hans van Wageningen
Speciaolis milieu-effekrapportage, TenneT
#10 Irene Bovy
Aajd-Bibliotikkaris
#11 Jordy Geurts
Strategisch polletiek advisäör, Public Affairs Gemeinte Zitterd-Gelaen
#12 Mara Hermse
Studènt Technology Governance
#13 Muhammed Hasim Yilmaz
Juridisch advisäör, Vlöchtelingewèrk (Team Zuid)
#14 Mirte van den Boogaard
Advisäör Umgevingsmanagement Waterkwaliteit, WML
#15 Arjen Hosper
Direktäör Podiumkunste (Toneelakkedemie & Conservatorium)
#16 Lucia de Koning
Studènt Liberal arts & sciences (UCM), Universiteit Mestreech
#17 Paul Duijkers
Verzörgende IG/MMZ lierlingbegeleier & EVV’er, Sevagram
#18 Josefien Segers
Studènt Europese Studies, Zuyd Hoegsjaol
#19 Nick Dohmen
Trainee RichtingZuid (provincie Limbörg)
#20 Bibi Straatman
Direktäör research' Being Political in Art and Design' (Hanze Hoegsjaol)
#21 Mart den Heijer
Strategisch communicatieadvisäör
Volt in ‘t nuits
Volt maak al versjèl in de Gemeinetraod. Inkel veurbeelde:
‘t Weurt veur starters op de woeningmerret in Mestreech gemekeleker um ‘n woening te koupe, maximaol lienbedraag weurt verhoeg:
‘t Weurt in Mestreech gemekeleker um ‘n startersliening te kriege veur ‘n woening. De Mestreechse gemeinteraod stumde dinsdeg in mèt ‘t verhoege vaan de maximaol lening veur starters op de woeningmerret. De fractie vaan Volt had daoveur gepleit, umtot Mestreech väöl strenger is es umringende gemeintes, wijl de woeningprieze zjus hoeger zien. De norm veur ‘n startersliening weurt noe verhoeg nao de provinciaol norm vaan 280.000 euro, tot e maximum vaan 56.000 euro.
Lees mie >
Mestreech geit massatoerisme slummer regulere
Mestreech moot neet ‘t “Venetië vaan Nederland” weure. De stad moot toeriste zjus laote mètwèrke aon ‘n leefbaar en deurzaom stad. Dat is de kern vaan ‘n motie die Volt-fractieveurzitter Jules Ortjens aofgeloupe november in de Mestreechte gemeinteraod heet ingedeend, geïnspireerd op ‘t zoegenaomp CopenPay-projek in Kopehage. De gemeinteraod naom die motie aon. Ortjens waarsjouwt tot Mestreech dreig te zwiechte oonder de greueinde toeristestruim en laot zien tot Mestreech noe al op ‘t aontal toeriste zit wat Venetië oontving in de negeteger jaore - dat waor e negatief kierpunt veur ‘t Venetiaons massatoerisem. Volt Mestreech heet um die reie de motie same mèt partijgenote vaan Volt Venetië en Volt Florence opgepak, zjus umtot zie zoeväöl ervaring höbbe mèt de kierzij vaan massatoerisme.
Lees mie >Mestreech weur de einsegse Nederlandse stad boe internationaol studènte de energietouwslaag kriege
Studènte in Mestreech, ouch boetelandse, kinne sinds jannewarie 2022 in aonmerking koume veur ‘nen einmaolegen energietouwslaag vaan 1300 euro. Oonder drök vaan twie moties vaan Volt, góng de Wèthawwer akkoord um - tege de nationaol riechlijne in - d’n energietouwslaag veur studènte in financiële noed te gönne die dat nudeg höbbe - ouch neet-Nederlandse studènte - studènte vaan binne de Europese Unie, wie ouch studènte vaan dao boete.
Lees mie >Mestreech krijg ‘n pilot voor ‘ne Börgerraod
Inwoeners die via loting ‘n oetnudeging kriege gaon in ‘ne Börgerraod mètbeslisse euver d’n touwkoms vaan Mestreech. ‘t Gief in eder geval ‘n pilot die, mits succesvol, kin leie tot ‘ne permaninte Börgerraod veur Mestreech. Nao model vaan Eupe en Breussel gaon börgers aon de geng mèt ‘t oontwikkele vaan de Umgevingsvisie.
Lees mie >
Volt zörg tot de Mestreechse gezèt Kinderkrant Jong043 blijf bestoon
De gemeinteleke begroeting vaan 2025 heet ‘n akkoord gekrege vaan de mierderheid vaan de raod. Bij de begroeting vroog Volt ouch um structurele financiële steun veur de kindergezèt Jong043 - e Zuid-Limbörgs initiatief wat lieggelètterdheid tegegeit en leesplezeer oonder de kleinste Mestreechtenere courrageert. ‘n Motie veur dee steun woort oetindelek door Volt en ‘t CDA ingedeend. Allewel de Wèthawwer in ierste instantie geine fan waor vaan ‘t plan, is ‘t veurstèl mèt ‘n klein meirheid aongenomme.
Zuid-Nederlandse lobby veur mie Haogs cultuurgeld nao o.a. Opera Zuid
D’n Haag stèlt mèt häör nui cultuurpolletiek ‘n oonierleke verdeiling veur de cultuurgelde veur, boedoor o.a. Opera Zuid dreig te mote stoppe, wijl de Amsterdamse opera nóg mie geld oontvink. De kèllege behandeling vaan Opera Zuid bij de verdeiling vaan riekssubsidie steit neet op ziechzelf. Volt heet daorum ‘n motie aongenomme gekrege in de Mestreechter gemeinteraod, boebij ‘ne sterke lobby veur vaan Limbörgse en Braobantse gemeintes en provincies veur ‘n cultuurpolletiek goon stoon wat rekening hilt mèt de behooftes en meugelekhede boete de Randstad. De Haagse cultuurpolletiek riech ziech allewijl te väöl op de Randstad, boedoor aander deile vaan ‘t land op rilletief minder steun kinne rekene, constateert fractieleier Jules Ortjens vaan Volt. Opera Zuid is ‘t einsegs professioneel operahoes boete de Randstad.
Lees mie >VOLG US OP SOCIAOL MEDIA
Deil eus kemissie mèt vrun en femilie, of weur actief es vrijwèlleger.
